Ачааны нэр төрөл, жин, хэмжээ, шинж чанар, сав баглаа боодол болон тээвэрлэлтийн тусгай нөхцөлийн талаар бүрэн, үнэн зөв мэдээлэл өгөх нь тээвэрлэлтийг зөв төлөвлөх үндэс юм.

Мэдээллийг дутуу эсвэл буруу ирүүлснээс үүдэн гаалийн бүрдүүлэлт удаашрах, нэмэлт зардал гарах, торгууль гэх мэт эрсдэлүүд үүсч болзошгүй.

Тээвэрлэлтийн нөхцөл, маршрут, үнэ тариф, төлбөрийн нөхцөл, тээвэрлэлтийн хугацаа болон талуудын хариуцлагыг гэрээ, захиалгын баримт бичигт тодорхой тусгах нь чухал.

Захиалгад өөрчлөлт оруулах шаардлагатай бол аль болох эрт мэдэгдэж, холбогдох өөрчлөлтийг бичгээр баталгаажуулаарай.

Ачааны онцлогт тохирсон, тээвэрлэлтийн явцад үүсэж болзошгүй доргилт, чийг, даралт болон бусад нөлөөллөөс хамгаалах сав баглаа боодол сонгох хэрэгтэй. Эмзэг, үнэ цэнтэй эсвэл тусгай нөхцөл шаарддаг ачааны талаар урьдчилан мэдээлж, шаардлагатай хамгаалалт болон даатгалын нөхцөлийг тохиролцоорой.

Цаг агаарын хүндрэл, хилийн боомтын хязгаарлалт, тээврийн саатал болон бусад урьдчилан таамаглах боломжгүй нөхцөл байдал тээвэрлэлтийн хугацаа, зардалд нөлөөлж болзошгүй.

Ийм нөхцөл үүссэн үед талууд харилцан шуурхай мэдээлэл солилцож, боломжит шийдлийг хамтран тодорхойлох нь чухал. Хариуцлагыг тухайн нөхцөл байдал, холбогдох хууль тогтоомж болон гэрээний нөхцөлд үндэслэн тогтооно.

Тайфун “Champi” номхон далайн баруун хэсгээр дайран өнгөрөхдөө Хятад, Тайвань болон Японы зарим хэсэгт хүчтэй салхи, аадар бороо дагуулж, тээврийн үйл ажиллагаанд саатал үүсгэх магадлалтай байна.

Тайвань, Японд олон зуун нислэг цуцлагдаж, зарим чиглэлийн нислэгийн хуваарь өөрчлөгдсөн. Мөн онгоц, төмөр замын үйлчилгээ доголдох тохиолдол гарсан тул ачааны хөдөлгөөн удаашрах эрсдэлтэй байна.

Хятадын зүүн эрэг, тухайлбал Шанхай, Жэжян орчимд хүчтэй салхи, их хэмжээний хур тунадас нөлөөлж болзошгүй. Боомтын ажиллагаа түр хязгаарлагдах, хөлөг онгоцны хуваарь өөрчлөгдөх, ачаа шилжүүлэн ачих хугацаа сунжрах эрсдэлтэй байна.

Шанхай, Жэжян, Тайвань болон Японоор дамжин өнгөрөх агаарын болон далайн ачаанд нэмэлт хугацаа тооцохыг зөвлөж байна. Ачааны бодит хөдөлгөөн, нислэг болон хөлөг онгоцны шинэчилсэн хуваарийг тээвэрлэгчээс баталгаажуулж, яаралтай ачаанд өөр чиглэл сонгох боломжийг урьдчилан тооцох шаардлагатай.

Тайфун “Champi” номхон далайн баруун хэсгээр дайран өнгөрөхдөө Хятад, Тайвань болон Японы зарим хэсэгт хүчтэй салхи, аадар бороо дагуулж, тээврийн үйл ажиллагаанд саатал үүсгэх магадлалтай байна.

Ачааны бодит жин, гадна хэмжээс, савлагаа болон бичиг баримт тээврийн захиалгад өгсөн мэдээлэлтэй таарч байх шаардлагатай. Зөрүү илэрвэл дахин хэмжих, жинлэх, баримт бичгийг засах эсвэл нэмэлт шалгалт хийх шаардлага гарч, нислэгт ачих боломжид нөлөөлж болно.

Нислэгийн багтаамж зөвхөн нийт жингээр хязгаарлагдахгүй. Ачааны эзлэхүүн, оврын хэмжээ, хэлбэр, жингийн хуваарилалт, агаарын хөлгийн төрөл болон аюулгүй ажиллагааны шаардлага нөлөөлнө. Багтаамж хязгаарлагдсан үед тээвэрлэгчийн үйлчилгээний нөхцөл, ачих эрэмбийн дагуу Premium болон Priority үйлчилгээтэй ачааг энгийн тарифтай ачаанаас урьтаж ачих тохиолдол бий. Гэхдээ энэ нь бүх нислэгт заавал ачигдах баталгаа биш бөгөөд тухайн тээвэрлэгчийн журам, нислэгийн нөхцөлөөс хамаарна.

Тээвэрлэгчээс off-load болсон шалтгаан, дараагийн боломжит нислэгийн огноо, дамжин өнгөрөх цэг болон тооцоолсон хугацааг тодруулаарай. Захиалга баталгаажсан, агуулахад хүлээн авсан, нислэгт хуваарилсан, бодитоор ачсан гэдэг нь өөр өөр үе шат тул ачааны хамгийн сүүлийн статусыг баталгаажуулах нь зүйтэй.

Улаанбаатар – Бангкок – Улаанбаатар
Эхлэх огноо: 2026 оны 11-р сарын 14-өөс
Давтамж: Даваа, Лхагва, Бямба гараг бүр

Улаанбаатар – Пукет – Улаанбаатар
Эхлэх огноо: 2026 оны 12-р сарын 3-наас
Давтамж: Мягмар, Пүрэв, Ням гараг бүр

Улаанбаатар – Хо Ши Мин – Улаанбаатар
Эхлэх огноо: 2026 оны 12-р сарын 1-ээс
Давтамж: Мягмар, Баасан гараг бүр

Улаанбаатар – Сингапур – Улаанбаатар
Эхлэх огноо: 2026 оны 12-р сарын 15-наас
Давтамж: Мягмар, Бямба гараг бүр

Ачаа дамжин өртөөгүйгээр шууд тээвэрлэгддэг тул дамжих нисэх буудал дээрх хүлээлт, ачаа шилжүүлэх хугацаа хэмнэнэ. Бангкок, Пукет, Хо Ши Мин, Сингапур чиглэлд ачаа нэг нислэгээр хүрнэ.

Ачааг онгоцноос онгоц руу эсвэл онгоцноос терминал руу шилжүүлэн ачилт хийх бүрт ачаа гэмтэх, солигдох, хугацаа алдах эрсдэл үүсдэг тул шууд нислэгээр эдгээр эрсдлийг бууруулах боломжтой.

Ачаа дамжин өртөөгүйгээр шууд тээвэрлэгддэг тул дамжих нисэх буудал дээрх хүлээлт, ачаа шилжүүлэх хугацаа хэмнэнэ. Бангкок, Пукет, Хо Ши Мин, Сингапур чиглэлд ачаа нэг нислэгээр хүрнэ.

Хүнс, эм, зэрэг ачаанд шууд нислэг илүү найдвартай.

Төмөр замын газраас хөдлөх бүрэлдэхүүний бүртгэл, мэдээллийн нэгдсэн цахим системийг бий болгож, өмчлөгч, эзэмшигч, түрээслэгч 62 байгууллагын мэдээллийг бүртгэжээ.

Улаанбаатар хотын нийтийн тээвэрт “Sky Shuttle” цахилгаан тээврийн хэрэгслийг нэвтрүүлэх тухай мэдээлэл гарсан. Энэ нь нийтийн тээврийн шинэ шийдэл, цахилгаан тээврийн хэрэгслийн хэрэглээг нэмэгдүүлэх чиглэлийн мэдээ юм.

Хэвлэлүүдийн мэдээлснээр Замын-Үүд–Эрээн чиглэлд ачааны бөөгнөрөл үүсэж, зарим тээврийн хэрэгсэл долоо хоногоос дээш хугацаагаар хүлээсэн байна. Түлш, валютын ханш болон хил дээрх саатлыг тээврийн үнийн өсөлттэй холбон тайлбарлажээ. Энэ нь ТОМО импортын ачаа татан авдаг бол хүргэлтийн хугацаа, өртөгт нөлөөлж болзошгүй.

Зөвшөөрөгдөх дээд хэмжээнээс хэтэрсэн, задрах боломжгүй ачаа тээвэрлэлтийг нэг сарын хугацаанд зогсоосон тухай мэдээлсэн. Хот хоорондын чиглэлд овортой ачаа илгээдэг бол машины төрөл, ачааны хэмжээ болон даацын шаардлагыг урьдчилан шалгах хэрэгтэй.