2020 оны 11 сарын 17-ны орой УОК-ын уулзалтын хүрээнд халдвар хамгаалалтын дэглэм доор бүх бараанд бүрдүүлэлт хийхийг нааштайгаар зөвшөөрсөн хэдий ч Улаанбаатар өртөөн дээр сэжигтэй тохиолдол бүртгэгдсэнтэй холбогдуулан одоогийн байдлаар зөвхөн доорх бараанд гаалийн бүрдүүлэлт хийгдэн олгогдож байна:
1. Хүнсний бүтээгдэхүүн/түргэн муудах бараа/
2. Эм, эмнэлгийн хэрэгсэл
3. ТИР ачаа / бүх төрлийн ачаа/
4. Нефтийн бүтээгдэхүүн
5. Бүх төрлийн экспорт

Бусад төрлийн ачаа олгогдохгүй байгаагаас шалтгаалан Техник Импорт, АБТЭМА зэрэг ачаалал ихтэй гаалийн хяналтын талбайдад ачааны бөөгнөрөл үүсэж байгаа тул хуучин машины чингэлгийг суллаж талбайд байрлуулах, боломжтой ачааг агуулах руу шилжүүлэн ачих зэрэг хүсэлтийг гаальд тавьсан бөгөөд тодорхой шийд гарахыг хүлээж байна.

ЗГ, УОК-ын шийдвэрээр 2020 оны 11 сарын 16-ны өдрөөс Алтанбулагийн хилийн боомтоор авто машин нэвтрүүлэхгүй байгаа бөгөөд үйлчлүүлэгч танд ОХУ болон Европын орнуудаас яаралтай тээвэрлэх шаардлагатай түүвэр болон бүтэн чингэлгийн ачаа байгаа бол бид ачааг чингэлэгт ачин төмөр замаар тээвэрлэх боломжтой тул та бүхэн бидэнд хандаж тээврийн үнийн санал гаргуулан авах боломжтой.